الزجال مراد القادري

   

(شاعر) مواليد مدينة سلا بالمغرب، سنة 1965.
- درس بمدينة سلا
- ثم بجامعة محمد الخامس بالرباط، حيث حصل على الإجازة في اللغة العربية
و آدابها، ثم دبلوم الدراسات المعمقة في وحدة:" بناء الخطاب الشعري الحديث في المشرق و المغرب العربي "
- بدأ النشر سنة 1986 بالصحف الوطنية
- صدرت له الدواوين الشعرية التالية:
- حروف الكف،سنة 1995 عن دار قرطبة بالدار البيضاء.
- غزيل البنات،سنة2005 عن دار أبي رقراق بالرباط.
- طير الله،سنة2007 عن دار أبي رقراق بالرباط.
-ترجم فرانسيسكو موسكوسو غارسيا إلى اللغة الإسبانية ديوانيه:
- "غزيل البنات "، منشورات ماريموتو ،مالقا،(2007)
- "طير الله"،منشورات القلعة،(2010)
- ترجمت بعض قصائد مراد القادري إلى اللغة الفرنسية و الإنجليزية و الإيطالية.
- ترجم قصص قصيرة من أدب الأطفال الروسي، صدرت ضمن منشورات وزارة الثقافة المغربية.
- انتسب إلى اتحاد كتاب المغرب سنة 1994،وتحمل مسؤولية الكاتب العام لفرع مدينة سلا
- انتسب إلى جمعية بيت الشعر في المغرب، وانتخب بمكتبها التنفيذي كأمين المال
- كاتب عام سابق لجمعية الشعلة للتربية و الثقافة(1988-2003)
- أسس سنة 1987 مهرجانا للشعر بمدينة سلا، عقدت منه 6 دورات
- مستشار جماعي سابق بجماعة لمريسة-سلا (1992-1997)
- عمل مستشارا مكلفا بالدراسات بديوان السيد وزير التربية الوطنية و التعليم العالي وتكوين الأطر و البحث العلمي(2003-2008).ثم مستشارا بديوان السيد وزير الثقافة
- أنتج للإذاعة الوطنية برنامج:"مرمة الكلام".(2006)
- شارك في عدة مهرجانات شعرية داخل المغرب و خارجه: العراق ،مصر ليبيا،تركيا،إسبانيا
العنوان البريدي:مراد القادري
22/23 تجزئة السانية،بلاد العلمي ،رقم الشقة 1 باب سبتة سلا
العنوان الإليكتروني:
KADIRI0072003@YAHOO.FR
الهاتف: 0674786301
القصيدة
صومعة سيدي ربي
عْـلى سـَلـْك دْ التـّـَصْـبـِينْ
ها أنا مَصْلـُوبْ
نْغـوَّتْ
وَلا َبانتْ شـِي نَجْمَه
ولا شِي ضايَه دْ الـمَا
بانتْ بْـعِيدْ،
غـِيرْ الصْـدَا وْ لحْدِ ِيدْ
وْ لكْلاكْسـُونْ،
غَوتـت ، عَـيـّطْت فْ التِـليفـُونْ
شَيـّرِِِِِِِِِِتْ
بْـصـُوتِي...و بْ يـدِيـّا:
"هـِيه.ْ.. هِـيه.ْ..
ياللِـّي لْهـِيهْ
هـَزْ عِينيكْ...شُـوفْ فِيَّا
هَانَـا،
كِ نخلة ْ مـُولانا ... مَصْـلـُـوبْ
فـُوقْ السْطَـَح.... اللِـّي بْلا مَـرْطـُوبْ
وْحْدايا،منْ جيهةْ لـِمِينْ
فـُوُقْ حْبـلْ دْ التَّصبـِين.... سَرْوالْ
و عْ الشْمال، كـَبـّـُوط ْ
بْحالِي مقبـُوط ْ....للْـسّـلـك ْ
هِـيهْ ...هِـيه.ْ..
يا اللـِّي لِهيه.ْ.. "
نغــوّتْ
و يـرْجعْ الـصـُـّوتْ
فـَرّادِي... وْ يـْموُتْ
بـِين إيدِيّا
ولاَ حـَد ْ... هـَزْ عِينُـو فِيّا
و قال: أشْ كاينْ...؟
وهانا كنـْعايـِنْ
تـد’وزْ شِي ريحْ
بْكـْفوُفـْها دْ الشِّيحْ
ترمـِيني لـتـُوبقالْ
أوْلا، فو’قْ دُوُكْ الجْبالْ
اللـِّي لْهيِهْ...مالـتْ
جنبْ نخْلة تافـِيلالتْ
نْطِيح.ْ.. واقـفْ كِ صومْعة سِيِدي ربّـِي
بحا ل ْ اللاّ... عالـْيه وتعلـِّي
وأنا فوُقْ السّلـْك مْدلـِّي...
2-
عـْلى سلـْك د ْ التـّصْبينْ ،فوُق سْطـَح بَـرَّانِي ، يَجـْرِيـوْ فـِيه لقـْطـُوط ْ
رانـِي للسّـلـْك مَرْبـُوط ْ
منشُورْ
والخاطـرْ مكْسُورْ
مَاجاتْ ريحْ... وَ لاَ جَايْحَه كـَحْلاَ
تهزْنِي ، ترمِيني لـْشِي خْـلاَ
وْسا دْتي، ضْـفـِيـره مْ الشَّمسْ، وْخِيطـْها اللّـَـوْلانـِي
توشـْوِيـشْ المُوقـْنِيـنْ
حـْزامْ للاّ فاطِمة الزّهـْرا
ريحة ْ الكـمُونْ
AGENDA بْ أرقامْ تـِلفُـونْ
اللـّي قراوْا مْعايا " قلْ أوُحيا"
و تهجّينا جْمِـيـعْ
صُوتْ بـُوجْميعْ
فْ الصّينية
وسادتِي، حـُومْـتي و اللـّي لـِياّ
طـلـّيتْ
كانْ السـُّورْ
قبـرْ و ياجُـورْ
وْ مسَامـرْ
وْ كانْ لخـْوا
وْ بـيّـَاعين الـرّغْـوَهْ
وْ المُوتْ
تـّاواوْ
مْع العنْكبـُوتْ... و تْخاواوْ
تدفـنّي فْ عـُشْها
كانتْ عتْبة اللـِّيلْ، حالـّة كَـرشْها
و لـكـْلاكـْسُونْ
طـُوط.ْ.. طـُوط..ْ. طـُوط ْ
و أنا
الفـُوقْ مرْبـُوط ْ
بْحالْ شي بـَطـلْ خـُرافِي
تـْسنـِيتْ يدْ الله... تـْجيبْ لِي نـِسـْكافـِي
تمــّنيتْ مْ الـما ... جـَغــْمهْ
تمنــّيتْ مْ السْما.... نـَجــْمهْ
تشهـّيتْ طـَجـِينْ بْ اللْحم ْمقـلـِّي
و أنا
منْ فـُوقْ السلــْكْ مدلـِّي...1-